საიტის ახალ ვერსიაზე გადასვლა
trailers
სერვისის შეძენა

ფავორიტი

The Favourite

ქართულად, რუსულად, ინგლისურად

2018

ბიოგრაფიული, ისტორიული

UK, USA, Ireland

119 Min
  • Currently 4.3/5 Stars.
  • 1
  • 2
  • 3
  • 4
  • 5
IMDb7.5 (162055)


   |     | 

რეჟისორი: გიორგოს ლატიმოსი

როლებში: ემა სტოუნი, რეიჩელ უაისი, Joe Alwyn, ოლივია კოლმანი, ნიკოლას ჰოლტი, მარკ გატისი ყველას ნახვა

ბიუჯეტი: $15,000,000

შემოსავალი: $95,918,706

ფესტივალები:



ფილმის მიმოხილვა

მე-18 საუკუნის დასაწყისი. ინგლისი საფრანგეთს ებრძვის. ამის მიუხედავად, გაცხარებული მიმდინარეობს იხვების შეჯიბრი და ანანასსაც არავინ იკლებს. ტახტზე ავადმყოფი დედოფალი ანა ზის, ხოლო ქვეყანას მისი ახლო მეგობარი, ლედი სარა განაგებს. როდესაც ახალი მოახლე, ებიგაილი ჩამოდის, სარა მისით იხიბლება. სარა მასზე ზრუნავს და ებიგაილსაც უჩნდება შესაძლებლობა, რომ თავის არისტოკრატულ ფესვებს დაუბრუნდეს. სარა ომისგან დაღლილია და ამ დროს ებიგაილი მას სიცარიელეს უვსებს, როგორც დედოფლის კომპანიონი.

კომენტარები

ნაჩვენებია 4 - 6 პოსტიდან.

კომენტარის გამოსაქვეყნებლად გთხოვთ ისარგებლოდ საიტის ახალი ვერსიით

Picture of TED
Report Abuse

TED

07Apr20

ემა სტოუნის თამაში ყველაზე ნაკლებად მომწონს ამ ფილმში - აქ უფრო თავის თავს თამაშობს - იმას, თუ რამდენად საყვარელი, თავისებურად მომხიბლავი, დიდებული და უბრალოდ რა განუმეორებელი გოგონაა - არადა ამ როლს სხვა მიდგომა უნდოდა - შეიძლება ითქვას, ეს ემასთვის პირველი სერიოზული კინოროლი იყო, რომელსაც თავი ვერ გაართვა - მისი ცრემლების ღვარღვარი როგორ მოგეწონათ? ვითომ რამდენად დამაჯერებელი იყო? ჩემთვის არ იყო დამაჯერებელი - ვხედავ გლამურულ, საყვარელ გოგონას, რომელიც თამაშობს ტირილს და თითქოს ამ ვითომ ტირილშიც (რომელიც, სხვათა შორის, ფილმშიც ვითომ ტირილია - თვალთმაქცური ფანდი საკუთარი კარიერისტული მიზნის მისაღწევად, თუმცა სწორედ ამის გამო, ალბათ, ორმაგადაც მოეთხოვებოდა დამაჯერებლობის გათამაშება) ცდილობს ტირილისგან სახე არ დაემანჭოს და აქაც კი თავი მოგვაწონოს, თუ რამდენად ლამაზად ტირის - ტირილშიც რა "სტილნი" გოგო ვარო... ყოველ შემთხვევაში ჩემთვის ასე გამოვიდა... ჭეშმარიტ მსახიობს უნდა შეეძლოს საკუთარ "მე"-ზე უარის თქმა და საკუთარი თავის დამცირებაც როლში ჩასაჯდომად - ემამ ეს ვერ შეძლო, რაც მისი ზოდიაქოდან გამომდინარე გასაგებიცაა - ის ხომ მორიელია, რომლის სიამაყის მოტეხვა თვით მისთვისაც კი პრობლემაა - მას უნდა განესახიერებინა ცხოვრებისგან დამცირებული და გაბოროტებული გოგონას სახე, რომელსაც ცხოვრებამვე გადაუგდო შანსი კარიერულ კიბეზე - თვით დედოფლის კარზე - ასვლისა და ისიც არ უშვებს შანსს ხელიდან - ეტლში მის წინ მჯდომი მამაკაცის მიერ მისი შემხედვარე მასტურბაციის დაწყება, შემდეგ ეტლიდან გადმოსვლისას ისევ მისგან ებიგეილის საჯდომზე ხელის შევლება და ამით გამოწვეული ებიგეილის ტალახში ამოთხვრა... - ყველგან პროვოკავიულად დამამცირებელი სიტუაციების რაღაცნაირი გლამურულად არადამაჯერებელი ბუნებრივი მოქნილობით მოხდენა ემას მხრიდან... - არ ჩანს მასში ის ბოღმა, რომელიც ნორმალური თავმოყვარე ადამიანში უნდა გამოეწვია მისი პერსონაჟის ძაღლურ ცხოვრებას... არც რეიჩელ უაისი მომეწონა - მან უკვე დიდი ხანია დაკარგა ის მომაჯადოებელი სილამაზე, რომლითაც თავი შეგვაყვარა მის თაყვანისმცემლებს... და, რაც მთავარია, რაღაც განსაკუთრებული გარდასახვა ვერც მასში დავინახე... ერთადერთი ოლივია კოლმანი იდგა ამ სამს შორის თავის სიმაღლეზე და ოსკარიც (ყოველ შემთხვევაში წინა ორთან შედარებით) დამსახურებულად მიიღო... რაც შეეხება, თავად ფილმს... ნუ, რა ვთქვა, გარდა ბანალური ფრაზისა, რომ ეს "ბა-ნა-ლუ-რი-ა!"... არ ვიცი, ამისთვის იკლავდა თავს ლანთიმოსი ამდენი ხანი?.. ნუ... გასაგებია... რისი გადმოცემაც სურდა - რაღაც დრაივი იყო ქალებს შორის, რომელიც ამ დაპირისპირების დასასრულთან ერთად სადღაც გაქრა და ხელთ მხოლოდ სამეფო სუბორდინაციის რუტინაღა გვრჩება... აი, თურმე რისთვის ხლართავდნენ ერთმანეთის წინააღმდეგ ინტრიგებს... მსახიობებს სწორედ ეს დრაივი უნდა გადმოეცათ, რასაც თავი ვერ გაართვეს - არ ვიცი, შეიძლება ასეც იყო ჩაფიქრებული - როგორც რაღაც ახალი ესთეტიკური გამოცდილების მომცემი კინო (თავისი უღიმღამო განათებითურთ), თუმცა არა მგონია ამ ფილმს ამ ექსპერიმენტის სახითაც გაემართლა... ეს უფრო მსახიობების ფილმია, ვინემ რეჟისორისა - მათ თამაშზე უნდა ყოფილიყო დამოკიდებული ამ ფილმის წარმატება... განათებამაც ითამაშა თავისი როლი - ფილმიც ისეთივე მჟავედ უღიმღამო გამოვიდა, როგორც მისი განათება... ვერც დამოუკიდებელი კინოს ხიბლი დავინახე... საბოლოო ჯამში ნორმალური საყურებელია... როგორც იტყვიან ერთხელ საყურებლად წავა... სხვათა შორის, ორჯერაც და მეტჯერაც... ჰოლივუდური გლამური მაინც თავისას შვება... როგორც იტყვიან, კლასის ხარჯზე გადის ფონს...

Picture of Natalia Strydom
Report Abuse

Natalia Strydom

14Jan20

ძალიან მიყვარს რეალურ ისტორიულ ფაქტებზე გადაღებული ფილმები,მომეწონა ესეც.ბრიტანეთის სამეფო კარი ამოუწურავი თემაა თავისი პერსონალიებით.ოლივია კოლმანის ოსკარი ვფიქრობ დამსახურებულია,ძალიან მაგრად თამაშობს ყველა სცენას

Picture of Scorpio
Report Abuse

Scorpio

11Apr19

საინტერესო ფილმია მაგრამ საოსკარო ნაღდათ არაა

Picture of Tristani
Report Abuse

Tristani

07Mar19

საინტერესოა ის რომ ლანთიმოსს წლებია უნდოდა ამ ფილმის გადაღება და როგორც იქნა შეძლო და სწორედ ამან განაპირობა 9 ნომინაცია ჩემი აზრით (1 გამარჯვება). ყველა სცენა ბუნებრივი განათებით არის გადაღებული რაც ძალიან დასაფასებელია, დასასრულს რაც შეეხება ჩემი აზრით ისეთივე ტყვეები არიან ყველანი დედოფლის როგორიც მისი კურდღლები, ყველა უბედურია მიუხედავად იმისა რომ თითქოს ის მიიღეს რაც სურდა... ძალიან მომეწონა.

iurika-ს და 2 სხვა ადამიანს მოსწონს ეს პოსტი

Taaammo, Scorpio

  • Picture of Scorpio Report Abuse

    Scorpio

    11Apr19

    საინტერესო ფილმია მაგრამ საოსკარო ნაღდათ არაა

მსგავსი ფილმები

ფანები

ნაჩვენებია 10 სულ 83 ფანი.

ფილმების სიები

ნაჩვენებია 5 - 107 სიიდან.