სერვისის შეძენა
სამი ბილბორდი ებინგის საზღვარზე, მისური
Three Billboards Outside Ebbing, Missouri
ქართულად, რუსულად, ინგლისურად
2017
დრამა, კომედია, დეტექტივი
115 Min
IMDb (405420)
როლებში: ფრენსის მაკდორმანდი, კალებ ლანდრი, ქერი ქონდონი, სემ როქველი, Alejandro Barrios, Jason Ledford ყველას ნახვა
ფილმის მიმოხილვა
მილდრედ ჰეისი ქალიშვილის მკვლელობიდან რამოდენიმე კვირის შემდეგ დამნაშავეები ნაპოვნი არ არიან. სასოწარკვეთილი ქალი სამ სარეკლამო დაფას დაიქირავებს და მათზე განათავსებს მიმართვას პოლიციის უფროსისთვის. როდესაც ამაში პოლიციის უფროსის მოადგილეც იქნება ჩათრეული, ინფანტილური დედიკოს ბიჭი, ოფიცერი დიქსონი, ბრძოლა მილდრედსა და მთავრობას შორის უფრო გამწვავდება.
ფანები
ნაჩვენებია 10 სულ 202 ფანი.
ფილმების სიები
ნაჩვენებია 5 - 254 სიიდან.
გია კახეთელიძე
01Jul20
საოცარი, ბრწყინვალე ფილმი. ისტორია, რომელიც ძალადობასა და სიძულვილთან ერთად გაჟღენთილია სითბოთი და სიკეთით, ისევე, როგორც ზოგადად - ცხოვრება. ყველა მსახიობი ძალიან მაგრად ასრულებს თავის როლს, მაგრამ მათ შორის მაინც გამოსარჩევია სემ როქველი, ამ კაცს საოცარი ოსტატობით გამოსდის ფსიქოპატების როლის თამაში.
Saloka
10May20
"სამი ბილბორდი ებინგის საზღვარზე, მისური". მარტინ მაკდონაჰს შავი კომედიების სცენარის წერა კარგად რომ გამოსდის ახალი ამბავი არაა. ამის დასტურად მისი სამი ყველაზე ცნობილი ფილმი შეგვიძლია დავასახელოთ Seven Psychopaths, In Bruges და Six Shooter. ბოლო ორი ფილმისთვის სხვა პრემიებთან ერთად ის აკადემიის ჯილდოზეც იყო წარდგენილი, უკანასკნელი ფილმის გადაღებისთვის კი ოსკარიც გადასცეს. მაკდონაჰი ფილმებს სამწლიანი ინტერვალით იღებს, თუმცა ეს ლოდინი ამად ღირს. ორიოდე წლის წინ მან მსოფლიო კინომანებს ახალი ნამუშევარი წარუდგინა, ესაა ფილმი Three Billboards Outside Ebbing, Missouri / სამი ბილბორდი ებინგის საზღვარზე,მისური, რომელიც კომედია სულაც არაა. ფილმი მოგვითხრობს სასოწარკვეთილ დედაზე, რომელიც სამართლის აღდგენას საკუთარი ძალებით ცდილობს, რადგან საზოგადოებამ მისი ტკივილი დაივიწყა, პოლიცია უმნიშვნელო საქმეებითა და წვრილმან ხულიგნებთან რასისტული გარჩევებითაა დაკავებული. სწორედ ამიტომ ქალი წყვეტს თავად გააკეთოს მცირედი, რათა ირგვლივ მყოფები გამოაფხიზლოს, თემას აქტუალურობა დაუბრუნოს და მედიას და ადგილობრივ მცხოვრებლებს თავი მუდმივად შეახსენოს. ფრენსის მაკდორმანდის გასაოცარი თამაში ფილმს უზომო ხიბლს სძენს. ეს ქალი საოცრებებს სჩადის. წუთის პირველ ნახევარში შეუძლია ძალიან დრამატული იყოს, მეორე ნახევარში კი იუმორნარევი რეპლიკებით გაახალისოს მაყურებელი. სწორედ ეს შავი იუმორი, ლავირება, მიზანსწრაფულობა, შეუპოვრობა და საკუთარი საქმისადმი ერთგულება ჰქმნის მის პერსონაჟს ასე მომხიბლავს. ვფიქრობ მაკდორმანდმა მეორე ოსკარი, მართლაც რომ სამართლიანად დაიმსახურა. აღსანიშნავია ფილმში მონაწილე სხვა მსახიობები: ვუდი ჰარილსონი და სემ როქველი. ამ უკანასკნელის თამაში მართლაც რომ უმაღლესი კლასისაა. ფილმის დასაწყისში მაყურებლის წინაშე წარსდგება უსუსური პოლიციელი, რომელიც ყველაფერთან ერთად სასტიკი ადამიანი და ამავდროულად დედიკოს ბიჭია, რომელსაც არა თუ პრინციპები, მცირედი მორალური ღირებულებებიც კი არ გააჩნია. შესაბამისად ის მაყურებელში უარყოფით ემოციებს იწვევს. სიუჟეტის განვითარებასთან ერთად კი პერსონაჟის ხასიათი და დამოკიდებულება მოცემული რეალობის მიმართ ისეთი ადეკვატური ხდება, რომ მის მიმართ ზიზღი, თანაგრძნობაში და შესაძლოა მოწონებაშიც კი გადაგეზარდოთ. რეჟისორის ამ ჩანაფიქრის შესრულებას მისი უზადო სამსახიობო ხელოვნებით ხელს უწყობს სემ როქველი, რომელიც მართლაც რომ აღფრთოვანების ღირს შესრულებას დებს „სამ ბილბორდში“. სწორად შერჩეული სამსახიობო ანსამბლით, დღეს დღეობით მსოფლიოში აქტუალური თემის წინ წამოწევით და მართლაც რომ შესანიშნავი სცენარით, აღნიშნულ ფილმს ოსკარის დაჯილდოვების ცერემონიალზე ფურორის მოხდენის ყველა შანსი ჰქონდა და ასეც მოხდა. ოქროს გლობუსის დაჯილდოვებაზე ფილმმა ოთხი მთავარი კატეგორია მოიგო, ასევე მოპოვებული აქვს სხვა უამრავი ჯილდო. თუმცა ფილმი ამ ჯილდოების გარეშეც ახერხებს კინომანებში ემოციათა გამის გამოწვევას, რომელიც მისი მიმდინარეობისას იცვლება, საერთო ჯამში კი კინოთეატრიდან გამოსული მაყურებელი ნასიამოვნებია და კიდევ უფრო მეტს ფიქრობს გარშემო გამეფებულ სისასტიკეზე, იმაზე რომ ყველა ჩვენგანს შეუძლია მცირედი ქცევით არსებული რეალობის შეცვლა და რომ ნებისმიერ სიტუაციაში ადამიანად უნდა დარჩე.
Eka Gvritishvilii
25Apr20
ფილმი, რომელიც არ არსებობს, რომ არ შეგეხოს. შეიძლება მოგეწონოს, ან არ მოგწონოს, მაგრამ აუცილებლად შეგეხება.ძალიან კარგი მსახიობები თამაშობენ, ძალიან კარგად.
Elene Nasaridze
04Apr20
saocreba!